Oprichting van ut Aartjesbal
In ut naojaor van 1980 kwaam de veurzitter van de Asseltse buurtvereniging, Huub Suylen, mit ein nuuj veursjtel oppe proppe. Namelik ’t organisere van ein vastelaovesbal in ôs kirkdörp Asselt. De res van de besjtuurslede o.a. Lei Vincent, Jeu Knippenberg en Pierre Nijskens, vônje ut nag neet ein zo sjlech veursjtél en ginge den auch akkaord zodet men mit de organisatie kôs beginne.
Op de eers volgende vergadering oppe Aaj Baan, ten hoeze van de femilie Suylen, kwaam Jeu Knippenberg mit de opmerking det d’r ut book van “Asselt aan de maas” good haaj doorgelaeze en det dao waal ein heel sjoon Asselts gebroek in vermeldj sjtông. Namelik ’t op Aartje gaon. Geur begriept ut al, de naam Aartjesbal waerde gekaoze, waat toet op vandaag ein begrip is veur de gemeinsjap Asselt en ver dao boete.
Mit de Zaalhaajer van toen d’r tied, Dhr Tammens, waerde aafgesjpraoke det veur ut eerste Asseltse Aartjesbal veerteen daag veur de vastelaovendj plaats zooje laote vinje. De Zjwamer karnavalsvereniging “De Hopsjlokkers” vônj ’t geweldig det de asseltse luuj ein bal op touw ginge zitte en ze woore bliej det ze nao jaore weer eins te gast kôste zeen in Asselt.
Veur es organisatie waare verras det d’r zoväöl miense woore gekömme, zodet ’t allereerste Aartjesbal duudelik ein groot suukses waas. Nag sjteeds viere veur veerteen daag veur de vastelaovinjd ut oetrope van de Vader Aar, tiedes ut Aartjesbal.
Oetrope Vader Aar 2023 tiedes ut Aartjesbal
Oetsjtepkes van De Aartjes en De Saartjes.
Vanaaf begin jaore negetig, eder jaor, de eerste zaoterdig van september, eers mit de fiets, later mit de tractor en huifkér. De Aartjes en Saartjes weite van teveure neet wo ze dae daag terech komme.
De Oetsjtepkes van de Aat Vader Aartjes
Eder jaor, de vriedig veur det Sinterklaos in Asselt kump. Het is ein ongesjreve wet, det de Aat Aartjes dae aovindj mit de fiets vertrekke vanaf het Aartjespelies. En de eerste jaore kwome ze dao auch allemaol same truuk om dae leste nach efkes same te drinke. De Vader Aar, mit ziene veurgenger, organisere altied deze aovindj. En det is auch eder jaor weer ein belaevenis
Hoogachtend ut Besjtuur van De Aartjes Asselt